ಮೈಸೂರು:ಮೈಸೂರು ಮಹಾನಗರ ಪಾಲಿಕೆ ಮೇಯರ್ ಚುನಾವಣೆ ಪೂರ್ಣಗೊಂಡಿದ್ದು, ಮೇಯರ್ ಆಗಿ ಕಾಂಗ್ರೆಸ್ನ ಪುಷ್ಪಲತಾ ಜಗನ್ನಾಥ್ ಅವರು ಹಾಗೂ ಉಪ ಮೇಯರ್ ಆಗಿ ಜೆಡಿಎಸ್ ನ ಶಫಿ ಅಹಮ್ಮದ್ ಅವರು ಆಯ್ಕೆಯಾಗಿದ್ದಾರೆ.ಮೇಯರ್ ಸ್ಥಾನಕ್ಕೆ ಪುಷ್ಟಲತಾ ಪರ 48 ಮತಗಳು ಹಾಗೂ ಬಿಜೆಪಿ ಅಭ್ಯರ್ಥಿ ಸುನಂದಾ ಪಾಲನೇತ್ರ ಅವರಿಗೆ 24 ಮತಗಳು ಚಲಾವಣೆಯಾಗಿವೆ.ಉಪ ಮೇಯರ್ ಸ್ಥಾನಕ್ಕೆ ಸ್ಪರ್ಧಿಸಿದ್ದ ಜೆಡಿಎಸ್ ನ ಶಫಿ ಅಹಮ್ಮದ್ ಅವರ ಪರ 48 ಮತಗಳು ಹಾಗೂ ಬಿಜೆಪಿಯ ಸತೀಶ್ ಅವರಿಗೆ 24 ಮತಗಳು ಚಲಾವಣೆಯಾಗಿವೆ, ಬಿಜೆಪಿಯ ಸುನಂದ ಪಾಲನೇತ್ರ, ಹಾಗೂ ಸತೀಶ್ ಅವರಿಗೆ ಬಹುಮತವಿಲ್ಲದ ಕಾರಣ ಸೋಲಾಗಿದೆ.
